KYRKJA INFORMERER

Øygarden prestegjeld

Oppdatert 21.juni 2012

ORIENTERING OM GRAVFERD[1] [2]

Den oppstandne Kristus og Maria Magdalena.

Joh.ev.20,11-18.

http://www.thebiblerevival.com

NÅR VI MISTER VÅRE KJÆRE

Mange kjensler kjem fram når nokon som står oss nær døyr. Ein lid eit smerteleg tap. I tillegg til de mange kjenslene en skal ta hand om i ein slik situasjon, kjem mange praktiske oppgåver. Mange opplever at det er vanskeleg i sorg og sakn å samla tankane og hugse alt som skal gjerast. Då er det godt å oppleve støtte og handsrekning fra familie, slekt, naboar, og vener.

Kyrkja ønskjer Guds Fred over alle som sørgjer, og å rekkje ut ei hand til dei etterlatte og hjelpe til å gje den som er død ei verdig gravferd. De skal vita at kyrkja gjerne vil stå saman med dykk i sorga og saknet, og gjerne formidle frå Evangeliet den trøysta som den vona som trua på Jesus Kristus kan gje oss i smerte og sorg, den som “Gud som har all trøyst” kan gje. “Han trøystar oss i all vår naud, så vi kan trøysta dei som er i naud, med den trøyst vi sjølve får av Gud.”(2.Kor.1,3 flg.)

Vi – dei tilsette i Øygarden Prestegjeld – vil stå saman med dykk som sørgjer, og vi ønskjer å hjelpa dykk til å få ein fin gravferdsdag som de kan sjå attende på med takksemd.

Vi har oppsett ei hugseliste som ei lita hjelp for dykk for å gjere det lettare å få med seg alt som skal gjerast i samband med dødsfallet og gravferda.

Denne finn du her:

http://www.stellamaris.no/hugs.htm

Vi vonar óg at denne faldaren(internettsida) kan gje god hjelp og vegleiing de kan ha nytte av i ei vanskeleg tid.[3] Ta gjerne kontakt med oss i tida framover. Vi er glade for å stå til teneste.

Med venleg helsing

Svenn Martinsen

sokneprest

Eit ord frå den Heilage Apostel til sist:

”Død, kvar er din brodd? Død, kvar er din siger?..Men Gud vere takk, som gjev oss siger ved vår Herre Jesus Kristus!”(1.Kor.15,55-57)

DØDSFALLET

Når ein person som høyrer inn under Den norske kyrkja døyr, må dei pårørande snarast råd ta kontakt med presten eller kyrkjekontoret på staden[4], og gjere avtale om tid for gravferda, gjerne før ein tek kontakt med gravferdsbyrå. Gravferd skal til vanleg haldast innan 8 dagar etter dødsfallet. 

ANSVAR

Etter det som er fastsett i gravferdslova er det ein person som skal sørgje for gravferda. Det tyder at vedkomande skal ta dei naudsynlege avgjersler om m.a. kor den som er død skal gravleggjast dersom det er aktuelle alternativ, og kven som skal vera ansvarlig eller festar for grava.

Etter lang kyrkjeleg tradisjon har desse rett til å ta dette ansvaret i følgjande rekkefølgje: Ektefelle, born, foreldre, barneborn, besteforeldre, sysken, barn av sysken, og søsken til foreldre.

Presten har ansvar for korleis gravferdshandlinga vert gjennomført. Han ser til at erdsbyrå eller andre som har oppgåver i samband med erda, utfører desse såleis at erda kan gjennomførast på ein god og verdig måte i samsvar med den kyrkjelege tradisjonen og gjeldande liturgi. Kantor har ansvar for musikken.

AVTALER EIN GJER VED DØDSFALL

Kyrkjeverje og prest

Dersom ein ønskjer kyrkjeleg erd/bisetjing, ber vi om at presten-så langt det er mogleg-vert tilkalt til sjukeleiet/dødsleiet for å kunne gje Kyrkja si omsut til den døyande og familien.

Kyrkjeverja og presten skal underrettast så snart det er praktisk mogleg etter dødsfall. I Øygarden prestegjeld har vi vakttelefon 56 38 22 44 der det alltid skal vere mogleg å treffa tenestegjerande prest. Vi ber alltid om å få opplyst namn og data på den som er død, næraste pårørande og den som tek ansvar for erda.

Det er kyrkjeverje i samråd med tenestegjerande prest, og dei kyrkjeleg tilsette som gjer vedtak om tid og stad for erd i samråd med dei næraste. Det er mest vanleg å nytta tirsdagar og torsdagar kI.1030 og/eller1300. Om familien ønskjer bisejtjing, skal tenesta skje frå ei av kyrkjene.

Sorgsamtale

Presten gjer avtale med pårørande om tid og stad for ein eller fleire sorgsamtalar.

Det er viktig at dei næraste og presten saman kan førebu gravferda. Vi treng samarbeidet og ein tillitsfull prosess i lag. Samtalen har óg som funksjon å hjelpa sorgprosessen. Her kan óg bilete av den som er død, og det å “skrive ut” sorga vera til hjelp. Om de ønskjer å bearbeide sorga på dette viset, og samstundes førebu dykk til samtalen med presten, har vi sett opp ei enkel mal for minneord i kyrkja her.

http://www.stellamaris.no/utkminn.htm

Denne trur vi óg kan førebu gravferda på ein fin måte, og samstundes danne grunnlag td for eit “minnealbum” om den som er død.

Gravferdsbyrå

Mange tek kontakt med eit gravferdsbyrå, men det er også mogleg å ordne det meste sjølv. Om ein nyttar seg av eit byrå kan dette til dømes gjere avtale med kyrkjeverje og prest om tid og stad for gravferda, annonsering i avisa(ne), valg av kiste, nedleggjing i kiste, båretransport og det som elles vert teke opp i denne faldaren(internettsida). Byråa presenterer alternative prisar og alternative måtar som gravferda kan gjennomførast på for dei pårørande. Vi har fleire gode gravferdsbyrå i vårt område som vi kan tilrå. Ta gjerne kontakt for råd!

Avisa(ne)

Her er det naturleg å ta kontakt med den (dei) avisa(ne) ein ønskjer å nytte til gravferdsannonsen. Avisane har sine fristar, som det er viktig å vera klår over. Fristen er oftast på føremiddagen dagen før innrykk. Korleis setje opp annonsen? Det er mykje hjelp å henta ved å sjå korleis andre har gjort det. gravferdsbyrået eller eventuelt presten kan óg hjelpa til.

Lensmannen

Lensmannen må kontaktast snarast mogleg etter dødsfallet – helst ved personleg frammøte i kontortida. Det må her opplysast om personlege data for den som er død, om arvingar, evt. formue, etc. (Lensmannen sender dødsmelding til soknepresten, som så sender gravsetel til kyrkjeverje/kyrkjegardsarbeidarane slik at grav kan opnast.) Om det er skrive testamente (eventuelt med den som er død sine ønskje for gravferda), kan originalen leverast lensmannen, som sender det vidare til skifteretten (Testamentet kan óg vere teke vare på i skifteretten). Om den som er død var gift, opplyser ein dato og år for når ekteskapet var inngått. Lensmannen gjev vegleiing i skiftespørsmål og frå han kan de få dei skjema som er aktuelle for den eisnkilde, (uskifte - privat skifte - evt. andre former for skifte).

Aktuelle telefonnummer

Kyrkjekontoret/Kyrkjeverja 56 38 22 40

Soknepresten 56 38 22 44

Sotra og Øygarden lensmannskontor 56 31 58 00

FØR GRAVFERDA

Syning

Mange opplever at det er verdfullt å sjå den døde, etter at han/ho er lagt i kiste, og er - etterpå - takksame for dette. Syning er viktig for sorgprosessen og ei hjelp til å godta det som har hendt. Syning kan kombinerast med båreandakt(sjå under) av den som er død.

Båreandakt

Det vanlege er at ein lek kristen leier båreandakta-men presten står gjerne til teneste om de ønskjer– ei enkel samlingsstund for den næraste familien ved båra i heimen eller på institusjon. Dette kan kombinerast med syning(sjå over) av den som er død.

Liturgien for båreandakt finn du her:

http://www.stellamaris.no/bare.htm

Gode framlegg til salmar til båreandakt finn de i salmelista under.

Kista vert sett på plass

Kista vert til vanleg sett på plass i bårerom i kyrkja så snart som mogleg etter dødsfallet. Dei næraste kan då følgje kista frå heimen/ sjukehuset/institusjonen. For mange er dette ei fin førebuing til sjølve gravferdsdagen.

FØR GRAVFERDA

Bruk av kyrkje

Den vanlege ordninga er at dei som bur i Blomvåg sokn nyttar Blomvåg kyrkje og nye(eller ved festa grav gamle)Blomvåg kyrkjegard. Tilsvarande at dei som bur i Hjelme sokn nyttar Hjelme kyrkje og Hjelme kyrkjegard. Unntak frå dette må takast opp med kyrkjeverja. Bisetjingar med prest frå Øygarden Prestegjeld skjer i kyrkjene i Øygarden.

Gravferdsliturgien

Gravferd i kyrkja er ei handling med gudstenestleg karakter. Selv om liturgien ligg fast er det fullt mogleg for dykk å setje dykkar personlege preg på gravferda. Gangen i ei gravferd er slik:

I kyrkja

Klokkeringing –

Preludium(/Solistinnslag) –

Inngangsord og bøn –

Minneord[5]-

Salme –

Skriftlesing –

Salme –

Kort preike –

Bøner –

Herrens bøn –

Salme –

(Solistinnslag/) Postludium-

Utgang[6].

Ute ved grava (ved bisetjing inne) held tenesta fram slik:

Salme –

Skriftlesing–

Bøn og jordpåkasting[7] –

Velsigning-

Senking –

Salmevers-3*3 klokkeslag[8].

Gravferdsliturgien i sin heilskap finn du her:

http://www.stellamaris.no/gravferdsliturgi.pdf

Val av salmar

Dei etterlatte kan vere med på å velja salmane som skal syngjast under gravferda. Det er ikkje alltid like lett å velje de rette salmane til ei gravferd. På ein slik dag er ein oppteken av å finne dei rette orda og kjende melodiar. Det er mange fine salmar som høver godt i ei gravferd. Søk difor råd hjå prest og kantor før de tek nokre avgjersler. Kyrkjerommets sin karakter som eit sakralt rom tilseier at ikke einkvar sangtekst høver i kyrkja. Det skal syngjast 5 gongar - 3 i kyrkja og 2 ute ved grava.

Den 1.salmen kan t.d. vera ein lovsong, eller følgja kyrkjeåret. Salmen før preika kan t.d vera ein bønesalme. Salmen etter preika kan t.d handle om Guds omsut.

Salmen/ane på grava bør vera korte, og kan gjerne handla om den kristne vona.

Salmar og songar skal føreåt godkjennast av den presten som har tenesta. Normalt kan ein nytte utvalet i dei kyrkjelege salmebøkene og Sangboken. All musikk som skal framførast, må godkjennast av kantor på førehand.

Sjå liturgien:

http://www.stellamaris.no/gravferdsliturgi.pdf

Det har vore vanleg å få trykt salmeark, men salmebøkene i kyrkja kan óg sjølvsagt nyttast.

Salmeliste

Døme på salmar som høver godt:

Kyrkjeåret

Sjå dei aktuelle avsnitt i salmebøkene

Takksemd

NoS 838 Gud når du til oppbrudd kaller

SBo 127 Takk, min Gud, for alt som

Jesus - Herre over dødens makt

NoS 124/125 Klippe du(Allheims berg) som brast for meg

NoS 172 Som den gylne sol frembryter

NoS 179/180 Jesus lever grav(en)(i) brast

NoS 184 Påskemorgen slukker sorgen

NoS 187 Deg være ære

NoS 196 Døden må vike for gudsrikets krefter

Guds stordom og omsut

NoS 202 Lov Jesu Navn og Herredom

NoS 261/261 O store Gud

NoS 268/Salmer 97 40 Herre Gud ditt dyre navn

NoS 270 Store Gud vi lover deg

NoS 295/296 Vår Gud han er så fast en/i borg

NoS 303/304 Sørg (du for meg, Fader kjær)for meg min Fader, du

NoS 307 Til himlene rekker din

NoS 311 Himmelske Fader, herleg

NoS 669 Kjærlighet fra Gud

Sbo 116 O store Gud, når jeg i undring

Trøyst og tryggleik

Nos 86 Navnet Jesus

NoS 324 Er Gud for meg så trede

NoS 333 Hvilken venn vi har i Jesus

Nos 386 Langt bortom rømd

NoS 416 Alltid freidig

NoS 423 Jesus, det eneste

NoS 454 Ikke en spurv til jorden

NoS 460 Velt alle dine veier

NoS 468 Nærmere deg min Gud

NoS 475 Tårnhøye bølger

NoS 476 Vær sterk min sjel

NoS 490 Blott en dag

NoS 493 Ein fin liten blome

NoS 494 Å for djup i Jesu kjærleik

NoS 497 Jeg er i Herrens hender

NoS 607 Fred til bot for bittert savn

NoS 879 Bi på Herren

S97 71 Tett ved sida mi går Jesus

Sbo 137 Å nåde underfull og stor

Sbo 350 Jeg skulle ei sørge

Sbo 386 O Herre, til hvem skulle vi dog gå hen

Sbo 397 Å tro det er å legge

Bønesalmar

NoS 301/302 Lovsyng vår Herre

NoS 414 Leid milde ljos

NoS 552 Dype stille, sterke, milde

NoS 587 Lova Herren

NoS 596 I dine hender, Fader blid

Nos 597 Skriv deg Jesus på mitt hjerte

NoS 601 Jesus, styr du mine tanker

NoS 608 Så ta da mine hender

NoS 663 Du som veien er og livet

S97 47 Det er makt i de foldede hender

Livskvelden

NoS 254 Tiden svinner, tiden rinner

NoS 757 Å, Gud vårt vern i farne år

NoS 807 Nå skrider dagen under

NoS 808 Se solens skjønne lys og prakt

NoS 811 Nå lukker seg mitt øye

NoS 812 Fager kveldsol smiler

NoS 814 O bli hos meg

NoS 816 Bred dina vida vingar

NoS 820 Dagsens auga slokner ut

NoS 826 Her møtes alle veie

NoS 828 Bli hos oss, Mester, dagen

NoS 830 En dalende dag, en stakket

NoS 836 Bedre kan jeg ikke fare

Den kristne vona

LR 625 Nu hjertelig jeg lenges

NoS 14 Jeg løfter opp til Gud min sang

NoS 56 Deilig er jorden

NoS 244 Den store hvite flokk

NoS 413 Hvor salig er den lille flokk

NoS 486 Høgt frå den himmelske klåre

NoS 508 Å tenk når en gang samles skal

NoS 604 Brødre og søstre

NoS 777 I østen stiger solen opp

NoS 843 Eg veit i himmerik ei borg

NoS 844/5 I himmelen, i himmelen

NoS 849 Når mitt øye trett av møye

NoS 855 Tenk når engang den tåke

NoS 856 Jeg vet meg en søvn i Jesu Navn

NoS 857 Eg er ein gjest i verda

NoS 858 Å, hvor salig å få vandre

NoS 860 Å, salige dag som i håpet vi

NoS 862 Jeg er en seiler på livets hav

NoS 863 Ja, engang mine øyne skal

NoS 864 Din fred skal aldri vike

Sbo 870 I den stille klare morgen

Sbo 875 Jag är främling

Sbo 876 Jeg går til himlen

Sbo 878 Jeg vet en hvile så skjønn og lang

Sbo 886 Min vandring frem

Sbo 899 Å hvor salig det skal blive

Sbo 918 Skal vi møtest etter ferda

S97 146 Hjemme i himlen

S97 150 Lysets hjem, du høye Salem

S97 151 Når jeg blant englers kor engang

Bibelske Salmar

NoS 887 Herre, til deg tar jeg min tilflukt

NoS 891 Hos deg er livets kilde

NoS 905 Det er godt å vere stille

Ved gravferd av born

NoS 192 De trodde at Jesus var borte

NoS 194 Dine hender er fulle av blomster

NoS 354/5 Milde Jesus dine hender

NoS 357 Dei bar fram born til Jesus

NoS 389 Vær meg nær å Gud

NoS 487/488 Ingen er så trygg i fare/på ferda

NoS 499 Alle har hast

NoS 427 Jeg er liten men jeg vil

NoS 454 Ikke en spurv til jorden

NoS 811 Nu lukker seg mitt øye

NoS 871 La oss vandre i lyset

NoS 943 Måne og Sol

Kjære Gud, jeg har det godt

Nu lukker solen sitt øye

Kjære Gud Fader, i himmelens slott

(Dessutan alle salmar frå)

LR-Landstads Reviderte

NoS – Norsk Salmebok

SBo – Sangboken

S97 – Salmer 1997

S05-Syng for Herren 2005

Liste over høveleg song og musikk

Døme på

Solosongar

Alle i salmelista over

Den hellige stad(Stephen Adams)

Eg Ser(Bjørn Eidsvåg)

Där rosor aldri dör(Donald Bergagård)

Herligste navn som er uttalt på jord(Ida Mathisen)

Fader vår, kom oss i møte(Nils Larsen)

Jeg har vandret med Jesus(David Welander)

Send bud på ham(Arthur Skrede)

Å leva det er å elska(Per Steenberg)

Døme på

Musikk

Alle i salmelista over

Bach: Air

Bach: Jesus, joy of man’s desiring

Bach Gounod: Ave Maria

Brein, Edvard Fliflæt: Ut mot havet

Bull: Solefallsang

Franck, Cæsar: Panis Angelicus

Grieg: Våren

Grieg: Ved Rondane

Händel: Largo

Morricone: Theme from ”The Mission”(Gabriel’s Oboe)

Schubert, Fr.: Ave Maria

Schubert, Fr.: Litanei

Dei etterlatte kan vere med på å velja musikk som skal nyttast under gravferda. Det er ikkje alltid like lett å velja rett, då musikksmak er kjensleladd for oss alle. Det er mykje fin musikk som høver godt som solistinnslag eller instrumentalmusikk i ei gravferd. Søk difor råd hjå prest og kantor før de tek nokre avgjersler. Kyrkjerommet sin karakter som eit sakralt rom tilseier at ikke all musikk og einkvar sangtekst høver i kyrkja. Det er ikkje uvanleg å ha solistinnslag istaden for eller saman med preludium og/eller postludium, eller óg etter minneorda. Prest og kantor skal godkjenna all sang og musikk som de ønskjer skal nyttast. Vi ønskjer at det vert nytta ”levande”/akustisk musikk i kyrkja, og at musikk på CD og kassett bør unngåast.

Meditasjonsmusikk

Om det er ønskje om det, kan kantor spela meditasjonsmusikk før gravferda tek til med klokkeringing. Men dette må gjerast avtale om og betalast for.

Solosong/ekstra musikk

Dersom ein ønskjer ekstra song eller musikk, må dei næraste sjølve gjere avtale med solist/musikar evt. kan gravferdsbyrået hjelpa til med å ordne dette. Kantor må orienterast så fort som råd er, og kan óg hjelpa til med råd.

Sjå liturgien:

http://www.stellamaris.no/gravferdsliturgi.pdf

Anna

Ankomst

Det er vanleg at den næraste familien kjem til kyrkja seinast 30 minutt i førevegen og set seg på de framste benkeradene.

Vertskap

Det er fint om nokre i familien står ved inngangen og deler ut salmeark. Ein kan óg spørje slektningar, naboar, gravferdsbyrået eller andre om å ta ansvar for dette.

Kondolanse

Det kan leggjast ut "kondolanseprotokoll" ved inngongen til kyrkja, der alle som kjem til kyrkja kan skrive sine namn.

Pynting i kyrkja/kransar

Pynting og symbolbruk, må førebuast med tanke på at gravferd er ei kyrkjeleg handling med gudstenesteleg karakter. Ein bør syne måtehald med bruk av lys, kransar, blomar og liknande. Dei næraste gjer dei avtalar dei sjølve ønskjer. Det er praktisk å benytte gravferdsbyrået eller den lokale blomsterforretninga, men dei næraste kan óg pynte sjølv.

----

Utbering og Senking

Etter gravferdsgudstenesta ber vi kista ut på grava for å senke den i jorda der. Til dette må det til vanleg veljast 6 som kan bere henne. I Øygarden vert tau nytta ved senking. Til dette må det til vanleg veljast 4 av dei 6 som har bore henne, medan dei to siste assisterer.

ETTER GRAVFERDA

Minnesamvere

Det er dei næraste sjølv som tek avgjerd om ein skal samle familie, slekt, vener og naboar til eit minnesamvere og kva slag omfang ein ønskjer på dette. Bedehusa, Kyrkjelydssalen i Hjelme, Øygardstova og Kantina på Tednebakkane Omsorgsenter kan leigast til slike samvere. Mat kan óg leverast t.d. frå Rong Catering og Skjergardsheimen. “Salmar ved minnesamvere” utgjeve av gravferdsbyråa finst til bruk ved slike høve i tillegg til salmebøker/Songbok.

Urnenedsetjing

Dei næraste tek kontakt med kyrkjeverja for å gjere avtale om tid og stad for urnenedsetjing. Det kan ta ca. ein månad før urna kjem attende frå Bergen. Den vert då oppbevart på kyrkjekontoret i sikra rom og i urnekasse som er innvigd til mellombels kyrkjegard. Urna skal nedsetjast innan 6 månader etter dødsfallet. Vi vil gjerne tilrå at dei næraste leier eller er representerte ved denne handlinga. Dersom det er ønskjeleg kan ein frå kyrkja ta del ved ei slik handling. Urnenedsetjinga kan også gjerast av kyrkjegardsarbeidarane utan at nokre av de næraste er til stades. I alle høve kan kyrkja sin liturgi for urnenedsetjing nyttast.

Denne finn du her:

http://www.stellamaris.no/urne.htm

Gode framlegg til salmar til båreandakt finn de i salmelista over.

Les intervju med soknepresten frå sending på Radio Sotra 1995:

http://www.stellamaris.no/sorg.htm

Les om kva meir vi kan gjere for dykk som sørgjer[9]:

http://www.stellamaris.no/sorg1.htm

Dei som måtte kome til å miste born ved krybbedød kan ha hjelp av å vende seg hit:

Landsforeningen uventet barnedød
Ole Fladagers gate 1A, 0353 Oslo
tlf: 22 54 52 00
epost: post@lub.no

GRAVSTADEN

Det kan veljast ny grav eller ein kan nytta ei eksisterande gravstad, som er festa av ein i familien. Bruk av eksisterande/festa gravstad forutset løyve fra festaren. Avtale om grav gjerast med kyrkjeverja. Gjeldande kyrkjegardsvedtekter for Øygarden finn de her:

http://www.stellamaris.no/kyrkj1.htm

Ved kistegrav

Ved gravleggjing av kiste kan en anten velje einskild kistegrav eller festa grav. Einskild kistegrav gir plass til ei kiste. Festa grav inneheld til vanleg to graver og gjev difor plass til to kister. Den graven som vert teken i bruk er fri for betaling så lenge den er freda, dvs. i 30 år. Dei andre gravene vert festa mot betaling frå starten. Når den som er død har vore gift, veljer mange å feste grav til attlevande ektefelle.

Ved urnegrav

Ved kremasjon kan en velje urnegrav. Den gjev plass til fire urner. Det er ikkje høve til å feste flere urnegraver saman. Kremasjon skjer til vanleg nokre dagar etter bisetjinga i krematoriet og ei avgift for dette må betalast.

Gravminne/pynting av graven

I den næraste tida etter ei gravferd vert følgjande gjort av kyrkjegardsarbeidarne: På grava vert oppsett det opp ein kross med namnet på den som er gravlagd, og visne kransar og blomar vert tekne bort. Når jorda på ei kistegrav har sekt nok vil kyrkjegardsarbeidarane sørge for planering og tilsåing, slik at alt er klart for oppsetting av gravminne. Dette kan tidlegast skje 2 månader etter gravferda (ikkje bisetjing). Det er festaren som eig grava og har rett til å setje opp gravminne. Festaren har også plikt til å holde grava i orden og tilstrekkeleg sikra. Det er fleire leverandørar som kan hjelpa med å skaffe eit gravminne og ta ansvar for å setje opp gravminne på grava. Framføre gravminnet er det høve til å opparbeida eit plantefelt i høgd med bakken rundt. Det kan innrammast av ein delt natursteinkant. Plantane kan ikke strekkje seg ut over plantefeltet eller vera høgare enn gravminnet.

Festeavgift

Etter gravferda er grava freda i 20 år og fri for betaling. Ut over dette kan ein festa grava mot betaling. Ein eksisterande gravstad kan festast i 20-årsperiodar i inntil 60 år etter siste gravlegging. Etter 60 år kan det fornyast ved samtykke frå fellesrådet. Festeavgiften forfell til betaling kvart 20. år. Det er den som står som festar for grava som får tilsendt rekninga frå kyrkjekontoret.

Gravlegat

På kyrkjekontoret er det mogleg å gjere avtale om planting og stell av gravstad mot betaling. Det skjer ved inngåing av avtale om gravlegat.

MINNEMARKERINGAR

Første gudsteneste

Ved den første gudstenesta i soknet etter gravferda minnast me den/dei som er døde, på enkel måte. Dei næraste vert invitert til denne gudstenesta.

På Påskedag og 2.Påskedag

Dei som har mist sine vert invitert til desse gudstenestene.

På 17 s.e.pinse(Oppstode-dagen for hausten)

Dei som har mist sine vert invitert til denne gudstenesta.

På Alle Sjelers Dag(laurdag før Helgemesse) og Helgemesse(Allehelgensdag)

På Helgemessesundagen samlast me til gudsteneste i ei av kyrkjene i takksemd for helgenskaren og alle dei truande som er gått foran heim til Herren. Vi har særleg dette ordet i tankane:

“Når vi har så stor ei sky av vitne ikring oss, så lat oss leggja av alt som tyngjer, og synda som har så lett for å hanga ved oss, og med tolmod fullføra det laupet som er lagt framfor oss, med augo feste på han som er trua sin opphavsmann og fullendar, Jesus. For å få den gleda som venta, tolte han krossen utan å bry seg om vanæra, og no har han sett seg på høgre sida av Guds kongsstol. Ja, tenk på han som heldt ut ein slik motstand frå syndarar, så de ikkje skal trøytna og verta motlause.” (Hebr.12,1-3)

Dei som har mist sine vert invitert til denne gudstenesta.

Allesjelersdag kan sjåast på som eit komplement til Helgemesse: Vi ber om at skaren for Guds trune skal verta fulltallig. På begge desse dagane er det mange som går på kyrkjegardane, steller gravene og set ljos på dei.

Minnegåve

Ønskjer de næraste at det skal gjevast ei "minnegåve" i staden for blomar, kan dette innsamlast ved utgangen av kyrkja. Vi nemner at det er mogleg å la ei slik minnegåve gå til kyrkjeleg/og/eller anna kristeleg arbeid.

NÅR NOKON DØYR I MORS LIV

Det er avsett særlege felt på kyrkjegardane våre til bruk ved slike høve.

Soknepresten i Øygarden

Postboks 100, 5331 Rong

TLF: 56 38 22 44

Mobil: 950 67890

sokneprest@kyrkja.net

Etter idé av orkdalsmenighetene.no ,

og Utkast til Gravferdsbrosjyrer Bud Prestegjeld, 1990; Fjell Prestegjeld, 1991.

Salmer, solosang og musikk ved begravelser og bisettelser i Askøy Prestegjeld, 1990.

Bygd på Vedtekter for Vesthordland Prosti, 2005.

---

[1] Gravferd frå anna kyrkjesamfunn

Dersom den som er død høyrde til eit anna kristent kyrkjesamfunn som står på den apostoliske truvedkjenninga og som respekterer vår ståstad, tilbyr vi oss å ha gravferda i kyrkja etter vår liturgi, leia av presten, men med deltaking av det andre kyrkjesamfunnet.

[2] Ikkje-kyrkjeleg gravferd

Alle busette i kommunen har rett til fri grav på kyrkjegardane i Øygarden. Tidspunkt for ikkje-kyrkjeleg gravferd vert avtala med kyrkjeverja, som óg tilviser grav. Når det gjeld lokale til gravferd, må dette leigast utanfor kyrkja.

[3] Vegleiing gjev óg heftet ”Når en av våre nærmeste dør”, utgjeve av Sosial- og arbeidsdepartementet, “Stønad ved gravferd”, utgjeve av Trygdeetaten, “Hvem for ansvaret for barnet mitt hvis jeg dør”, utgjeve av Barne-og Familiedepartementet, og “Når noen har tatt livet sitt”, utgjeve av Landsforeningen for etterlatte ved selvmord, Hordaland Fylkeslag. http://www.leve.no/hordaland

[4] Dersom ein vil halda gravferda på annan stad, og/eller kiste/urne skal nedsetjast på annan kyrkjegard enn der ein er busett, må ein ta kontakt med kyrkjeverje og prest der. Med kyrkjeverja på den staden gjer ein avtalar om feste/avgift. Biskopen har fastsett at det kan krevjast betaling for presteteneste når både avdøde og avdøde sine næraste pårørande/den som syter for gravferda(ikkje i rett opp-og nedstigande line), er busett utanfor presten sitt tenestedistrikt. Det same gjeld om de bur utanfor Øygarden og vil ha gravferd hjå oss.

[5] Presten skal godkjenne uttrykksformer for særs heider til den avlidne og andre tiltak som folk ynskjer i tillegg til sjølve gravferdsliturgien. Det må ikkje haldast tale ved ei eventuell kransepålegging utan at pårørande som syter for gravferda, har gjeve samtykke til det. Presten deltek ikkje i kransepåleggjing o.l., men ønskjer ei liste over alle som skal ta del med minneord. Ein mal for minneord finn ein her:

http://www.stellamaris.no/utkminn.htm

Meir råd og rettleiing finn ein her:

http://www.stellamaris.no/minn.htm

[6] Utdeling av blomar/kransar vert avgrensa til dei næraste.

[7] Jordpåkastinga skal ein ha ved grava. Som reint unntak kan presten avgjere at jordpåkastinga skal vere i kyrkja når ytre tilhøve eller tungtvegande personlege grunnar krev det. 

[8] Presten skal godkjenne opptak av bilete, film eller lyd.

[9] Vi ønskjer óg å være til hjelp ved andre typer sorgsituasjonar:

http://www.stellamaris.no/sorg2.htm