Studiepermisjon for Soknepresten

Våren 2007 innvilga Det Regionale Etterutdanningsutvalet i Bjørgvin Bispedøme(BBD) meg Studiepermisjon i 2008.

Då søknaden vart sendt, var det 13 år sidan siste Studiepermisjon, og 24 år sidan den første.

Eg har no vore sokneprest i Øygarden i innpå 6 år.

Eg trur eg har funne eit bra emne, som er henta frå gudstenesteprosjektet i Øygarden Prestegjeld:

Den Store Lovsongen: Fullversjon, pdf.

Den Store Lovsongen: Utskriven ordning, pdf

Den Store Lovsongen: Versjon Kyrkjelyd

Den Store Lovsongen: Alternative Forbøner, pdf

Den Store Lovsongen og Kyrkja sin tradisjon,pdf

som sjølvsagt óg vil få nedslag i artikkelen eg planlegg, med tanke óg på Dnks sin liturgireform som skal ferdigstillast 2010, etter det some r opplyst:

"Den Store Lovsongen. Den Heilage Messa-2008"(Arbeidstitel)

Bakgrunnsmaterialet er boka til den store engelske anglikanske presten og augustinarmunken Dom Gregory Dix(1901–1952)"The shape of the liturgy".

http://en.wikipedia.org/wiki/Gregory_Dix

Dix' tese er at det alltid har vore 4 element i den klassiske nattverdliturgien:"The Four-Action shape of the Eucharist", dvs. Offertoriet, Eukaristibøna(her vil vi lutheranarar måtte presisere Innsetjingsorda)Brødsbrytinga og Måltidet.

Utanom nemnde bok har eg dei siste åra fått andre bøker av Dom Gregory som gåve av ein kontakt i USA:

Jurisdiction in the early church

The Theology of Confirmation in relation to baptism

The image and likeness of God

God's way with man

The power and wisdom of God

Jew and Greek

Eg kjem óg til å nytta meg av viktige bidrag til liturgisk tenkning som er gjeve ut dei seinaste åra, av sokneprest Øystein Thelle, kyrkjelydsprest Stein Barlaup, og kateket Reidun Jofrid Kleppestrand.

Eg har lenge tenkt at eg kunne tenkja meg å auke min generelle, særleg liturgiske kompetanse ved hjelp av dette materialet ved ein studiepermisjon. Eg vonar óg om å få kvile og få vere meir i bøn enn det den utfordrande "førstelinetenesta" gjev høve til. No er tida komen, idet Prosten har fastsett permisjonen til mandag 4.februar-søndag 13.april 2008.

Prosten har samstundes sett sokneprest em.Otto Høvik til vikar. Vi trur Otto Høvik vil høve godt i Øygarden Prestegjeld. Han er alt godt kjend mellom oss som ein av fleire på vikarlista og er sett stor pris på av mange, ikkje minst gjennom si sentrale forkynning. Otto Høvik er tidlegare m.a. sokneprest i Borgund, og lands-og Generalsekretær i Den Norske Israelsmisjon. Han har óg vore prest ved Immanuelskyrkja i Tel Aviv. Saman med kona Annlaug bur han på Straume i Fjell kommune.

Lat oss be for Otto Høvik si teneste mellom oss!

Så sjåast vi om ikkje altfor lenge!

Eg gler meg til å møta dykk att!

svennam@hotmail.com