Den Store Lovsongen:Øygardsliturgien
Agende for feiring av Den Heilage Messa
Versjon 01.12.2012.

Under førebuingane til liturgireformen i Den norske kyrkja i åra 2004-,
der lokale prestegjeld vart inviterte til å ta del,
gjorde eg framlegg til dei to sokneråda i Øygarden Prestegjeld, Blomvåg og Hjelme,
om å nytta denne messeliturgien kalt opp etter
offertorieordet i Rom. 12,1-2:

"Difor legg eg dykk på hjartet, sysken, ved Guds miskunn,
at de må bera fram kroppen dykkar som eit levande og heilagt offer, til glede for Gud.
Det skal vera dykkar åndelege gudsteneste.
Og innrett dykk ikkje etter denne verda,
men lat dykk omskapa ved at de får eit nytt sinn
og kan dømma om kva som er Guds vilje:
det gode, det som er til glede for Gud, det fullkomne."

To positive vedtak vart gjort, i 2006 og 2009,
og saka var og framme på Bispevisitas 2006, og "Ettervisitas" i 2007.

Denne prosessen gav oss eit godt høve til å
setje saman ei stadeigen, lokal grunnordning for gudstenesta lenge før mange andre kyrkjelydar,
som kunne støtte vår eigen merkevare og identitet,
fast i struktur, men fleksibel i form.

Den Store Lovsongen-Øygardsliturgien har sterke røter i oldkyrkja, klassisk lutherdom,
Den norske kyrkja sin klassiske liturgitradisjon,
frå 1920-liturgien og frametter-
og eit vestleg, økumenisk preg.
Karismatikarar, bedehusfolk,-og born, unge og unge heimar skulle og kunne kjenne seg att!

Vi opna og for fleksibel bruk av tilgjengelege salmebøker,
med NoS, S97 og Songboka i spissen.
Alt dette så vi som viktig både for å samle Guds Folk, og -opp mot kyrkjesituasjonen.

Den Store Lovsongen-Øygardsliturgien samsvarer med strukturen i Hovudgudsteneste for Dnk, 2011.

Det liturgiske arbeidet i Øygarden i desse åra var særs inspirerande og førte til god kyrkjesøkning.
Arbeidet inspirerte og til eit større prosjekt:


Framlegg til
Messebok
for prestegjeld, sokn og kyrkjelydar
som vil halda fast på klassisk kristen tru og kristent liv.